රුහුණ සරසවියේ පීඨ 05ක් දින නියමයක් නොමැතිව වසා දැමේ

රුහුණ විශ්වවිද්‍යාලයේ වැල්ලමඩම පරිශ්‍රයේ සියලු පීඨ දින නියමක් නොමැතිව වසා දැමීමට අද (08දා) තීරණය කළ බව විශ්වවිද්‍යාල පරිපාලනය සදහන් කරයි.

සිසු ගැටුමක් හේතුවෙන් මෙම තීරණය ගෙන ඇති අතර ඒ අනුව ශාස්ත්‍ර පීඨය, විද්‍යා පීඨය, සාගර විද්‍යා පීඨය හා කළමනාකරණ පීඨ මෙසේ වසා දමා තිබේ.

එමෙන්ම ඊයේ (07දා) එම විශ්වවිද්‍යාලයේ මාපලාන පිහිටි කෘෂි විද්‍යා පීඨය සිසුන් අතර පැතිර යන උණ රෝගයක් හේතුවෙන් වසා දැමීමට විශ්වවිද්‍යාල පාලනාධිකාරිය තීරණය කළේය.

ඒ අනුව විශ්වවිද්‍යාල නේවාසිකාගාරවල සිටින  සිසුන් ඉන් ඉවත්විය යුතු බවත් විශ්වවිද්‍යාලය සිසුන්ට තහනම් කලාපයක් බවත් පාලනාධිකරිය සඳහන් කරයි.