රුසියා ගුවන් ප්‍රහාරයකින් ISIS නායක අල්-බග්ඩාඩි ජීවිතක්ෂට?

රුසියාව ඒල්ල කළ ගුවන් ප්‍රහාරයකින් අයි.ඒසි.අයි.ඒස්. සංවිධානයේ නායක අබු බකර් අල්-බග්ඩාඩි ජීවිතක්ෂයට පත්ව ඇති බවට තොරතුරු වාර්තා වෙයි. රුසියානු ආරක්ෂක අමාත්‍යංශය පවසන්නේ මේ පිළිබඳව තොරතුරු පරීක්ෂා කරන බවයි. රුසියාව සිරියාවේදි එල්ල කළ ගුවන් ප්‍රහාරයකින් ත්‍රස්තවාදී නායකයා ජීවිතක්ෂයට පත්ව ඇති බව වාර්තා වෙයි.

සිරියාවේ රඛා ප්‍රදේශයට පසුගිය මැයි 28 දා එල්ල කළ ගුවන් ප්‍රහාරයකින් ත්‍රස්ත නායකයා ජීවිතක්ෂයට පත්ව ඇති බව ජාත්‍යන්තර මාධ්‍ය වාර්තා කරය. රුසියාවේ ස්පුට්නික් පුවත් සේවයද මේ බව තහවුරු කර තිබේ.

මැයි මාසයේදී රුසියානු ගුවන් හමුදාව එල්ල කළ ගුවන් ප්‍රහාරවලින් අයි.එස්.අයි.එස්. ත්‍රස්තයින් 330ක් පමණ ජීවිතක්ෂයට පත්ව ඇති බවත් ඒ අතර එම සංවිධානයේ ඉහළ පෙළේ නායකයින්ද සිටින බව රුසියානු ආරක්ෂක අමාත්‍යාංශය තහවුරු කර තිබේ. අයි.එස්.අයි.එස්. සංවිධානයේ ඉහළ පෙළේ සාකච්ඡාවක් පැවැති ස්ථානයක් ඉල්ලක කර ගනිමින් ප්‍රහාරය එල්ල කර තිබේ.