ලක්ෂ 70ක් පමණ වටිනා හෙරොයින් ගුවන්තොටෙන්

රුපියල් ලක්ෂ 70ක් පමණ වටිනා හෙරොයින් තොගයක් සමග වයස අවුරුදු 41ක් පමණ වන පකිස්තානු ජාතික පුද්ගලයෙකු අද (25දා) අලුයම කටුනායක ගුවන්තොටුපළේදී අත්අඩංගුවට ගැනීමට හැකිවූ බව ගුවන්තොටුපළ පොලිස් මත්ද්‍රව්‍ය නාශක අංශය සඳහන් කරයි.

මෙම සැකකරු අද අලුයම ඩුබායි සිට පැමිණි ගුවන් යානයෙන් දිවයිනට පැමිණ ඇති අතර, ඔහු සතුව තිබී හෙරොයින් ග්‍රෑම් 708ක් සොයාගත් බව පොලිස් මත්ද්‍රව්‍ය නාශක අංශය පවසයි.

අත්අඩංගුවට පත් සැකකරු අද (25දා) මීගමුව මහේස්ත්‍රාත් අධිකරණයට ඉදිරිපත් කිරීමට නියමිතය.

සිදුවීම සම්බන්ධයෙන් ගුවන්තොටුපළ පොලිස් මත්ද්‍රව්‍ය නාශක අංශය වැඩිදුර විමර්ශන කටයුතු සිදුකරයි.