රුධිර හා ඩෙංගු පරීක්ෂණ ගාස්තු අඩුවෙයි

පෞද්ගලික රෝහල්වල සහ රසායනාගාර වල රුධිර පරික්ෂණ සහ ඩෙංගු රුධිර පරීක්ෂණ සඳහා අය කරන ගාස්තු හෙට (19දා) සිට වහාම අඩු කරන ලෙස සෞඛ්‍ය අමාත්‍ය දොස්තර රාජිත සේනාරත්න මහතා පෞද්ගලික රෝහල් බලධාරින්ට උපදෙස් දී ඇත.

ඩෙංගු රෝගය වැඩි වශයෙන් ව්‍යාප්තවීම හේතුවෙන් රුධිර පරීක්ෂණ වැඩි වශයෙන් සිදු කිරීමට සිදුව ඇති බැවින් මෙම තීරණය ගත් බව සෞඛ්‍ය අමාත්‍යවරයා ප්‍රකාශ කරයි. 

පෞද්ගලික රෝහල් නියාමන පනතට අනුකූලව මෙම මිල සංශෝධනය සිදු කරන අතර, එය නැවැත දැනුම් දෙන තුරු ක්‍රියාත්මක වෙයි.ඒ අනුව රුධිර පරීක්ෂණ සඳහා අය කරන ගාස්තුව රුපියල් 250 ක් ලෙස ද ඩෙංගු රුධිර පරීක්ෂණ සදහා අය කරන ගාස්තුව උපරිම රුපියල් 1000 ක් විය යුතු බව සෞඛ්‍ය අමාත්‍යවරයා සදහන් කරයි.

මිට පෙර ඩෙංගු රුධිර පරික්ෂණ සදහා පෞද්ගලික රෝහල් අය කර ඇති ගාස්තුව රුපියල් 3000 ක් වෙයි. රුධිර පරීක්ෂණ වාර්තා පැය භාගයක් තුල රෝගියාට ලබාදිය යුතු වෙයි.