රාජ්‍ය සේවක වැටුප් වැඩිවීම මාර්තුවේදී

වත්මන් රජය අයවැයෙන් ලබාදුන් රාජ්‍ය සේවක මූලික වැටුපට රැපියල් 2500ක් එකතු කිරීම මෙම වසරේ මාර්තු මස සිට සිදු කිරිමට  අවශ්‍ය කැබිනට් පත්‍රිකාවට කැබිනට් අනුමතිය ලැබී ඇතැයි රාජ්‍ය පරිපාලන හා කළමනාකරණ අමාත්‍ය රංජිත් මද්දුම බණ්ඩාර මහතා පැවසීය.

අයවැයෙන ලබාදුන් රුපියල් 10000ට අදාළව ඉතුරු රු.7500 ක මුදල  වසර 5 තුළදී ක්‍රමයෙන් මූලික වැටුපට එතු කිරීමට පියවර ගන්නා බවද ඔහු කීවේය.

අද (25දා) රාජ්‍ය පරිපාලන හා කළමනාකරණ අමාත්‍යාංශය ශ්‍රවණාගාරයේ පැවැති රජයේ කණිෂ්ඨ සේවකයින් හට රාජ්‍ය කළමනාකරණ සහකාර පත්වීම් ලිපි ප්‍රධානොත්සවයේදී අමාත්‍යවරයා මේ බව පැවැසීය.

ඡායාරූප ඉසුරු පෙරේරා