රන්මාලයක් කොල්ලකා පලා යමින් සිටි තරුණයෙක් අත්අඩංගුවට

ව්‍යාපාරික කාන්තාවකගේ ගෙල බැඳි රුපියල් 85,000ක් පමණ වටිනා රන්මාලයක් කොල්ලකා පලා යමින් සිටි පුද්ගලයන් දෙදෙනෙකු එම රන්මාලය සහ යතුරුපැදියක්ද සමග තඹුත්තේගම පුත්තලම් හන්දිය ප්‍රදේශයේදී ඊයේ (02දා) අත්අඩංගුවට ගත් බව නවගත්තේගම පොලීසිය පවසයි.

දුරකතන ඇමතුම් පෙර ගෙවුම් කාඩ්පතක් මිලදී ගැනීමේ මුවාවෙන් නවගත්තේගම, වගයාමඩුව ප්‍රදේශයේ වෙළෙඳසැලකට පැමිණ එහි සිටි ව්‍යාපාරික කාන්තාව සතු රන් මාලයක් මොවුන් දෙදෙනා විසින් මෙසේ කොල්ල කා තිබේ.

මෙසේ අත්අඩංගුවට ගෙන ඇත්තේ ගිරිබාව සෝලේවැව ප්‍රදේශයේ පදිංචි වයස අවුරුදු 21-23 වයස්වල පසුවන දෙදෙනෙකි.

සිද්ධිය සම්බන්ධයෙන් නවගත්තේගම පොලීසිය වැඩිදුර පරීක්ෂණ පවත්වයි.

කරුවලගස්වැව - ජයරත්න වික්‍රමාරච්චි