යාපනය දුම්රිය ස්ථානයේ ඊයේ ආදායම ලක්ෂ 08 යි

යාපනය දුම්රිය ස්ථානයේ ඊයේ (08දා) දින දෛනික මුදල් ආදායම පමණක් රුපියල් ලක්ෂ 8 ½ ක් වූ බව දුම්රිය සාමාන්‍යාධිකාරී විජය අමරතුංග මහතා සඳහන් කළේය. චෙක්පත් ඇතුළු අනිකුත් ආදායම් සැලකීමේදී මෙම මුදල මීට වඩා ඉහළ යා හැකි බවද හෙතෙම කීය.

උතුරට යන ජනතාව වැඩි වශයෙන් දුම්රිය භාවිත කිරීමට පෙළඹී ඇති නිසා දුම්රිය දෙපාර්තමේන්තුවේ සමස්ත දෛනික ආදායම ඉහළ යාමටද එය බලපා ඇති බව සාමාන්‍යාධිකාරීවරයා වැඩිදුරටත් සඳහන් කළේය.