මෙයාව දන්නවා නම් පොලීසියට කියන්න

කාන්තාවකගේ ගෙල බැඳි රන් මාලයක් කොල්ලකන ලද සැකකරුවෙකු සම්බන්ධයෙන් තොරතුරු වෙතොත් වහාම පොලීසියට දැනුම් දෙන ලෙස පොලිස් මූලස්ථානය නිවේදනයක් නිකුත් කරමින් මහජනතාවගෙන්  ඉල්ලා සිටියි.

වත්තේගම මඩවල ප්‍රදේශයේදී මාර්ගයේ ගමන්ගත් කාන්තාවකගේ ගෙල බැඳි රන් මාලය කුඹල්ගෙදර, යටිරාවන, වත්තේගම පදිංචි 24 හැවිරිදි  කේ. ජී. සාගර ස්වර්ණමාල්  නමැති සැකකරු විසින් කොල්ලකා පලා ගොස් ඇති බවත් ඔහු මේ වන විට තම පදිංචි ප්‍රදේශ අතහැර ගොස් සිටින බවත් පොලීසි සඳහන් කරයි.

සැකකරු පිළිබඳ තොරතුරු වත්තේගම පොලිස් ස්ථානයේ 081- 2476222 සහ වත්තේගම පොලිස් ස්ථානාධිපති 071-8591063 යන  දුරකථන අංක වෙත දැනුම් දෙන ලෙස පොලීසිය  මහජනතාවගෙන් ඉල්ලා සිටියි.