මිලියන හතරක රන් අල්ලයි

රුපියල් හතලිස් පන් ලක්ෂ විසිදහසක් වටිනා රත්තරන් කැබලි සහ රන් මාල  ශරීරයේ රහස් පෙදෙස් වල සඟවාගෙන ඉන්දියාවේ චෙන්නායි බලා යන ගුවන් යානයකට නැග සිටි  ඉන්දියානු ජාතිකයෝ අට දෙනෙක් අද (25දා)  අලුයම   අත්අඩංගුවට ගත්  බව රේගු මාධ්‍ය ප‍්‍රකාශක ලෙස්ලි ගාමිණී පැවසීය.

ඉන්දියානුවන් පිරිසක් රන් කැබැලි තොගයක්  ඉන්දියාවට ගෙන යාමට ඇති සූදානමක් පිළිබඳව කල්තියා දැන සිටි රේගුව ඊයේ අලුයම දොළහයි පහළවට චෙන්නායි බලා පිටත්වීමට  නිමිතව තිබූ  ශ‍්‍රී ලංකන් ගුවන් සේවයට අයත් යු.එල්  125 දරන ගුවන් යානයට ගොඩවී  සිටි ඉන්දියානුවන් දොළොස් දෙනෙකු ගුවන් යානයෙන් ආපසු බස්සවාගෙන පරීක්ෂා කර ඇත.

එහිදී  තමන්ගේ රහස් පෙදෙස්වල රන් කැබැලි සහ රන් මාල සඟවා ගෙන සිටි සැකකරුවන් අටදෙනෙකු අත්අඩංගුවට ගෙන ඇති අතර සෙසු  අය මුදාහැර තිබේ.