මිනිසුන් තිදෙනෙකුට දිවි අහිමි කළ වන අලියා අල්ලයි

මිනිසුන්  තිදෙනෙකු ජීවිතක්ෂයට පත්කරන ලද දරුණු ගණයේ වන අලියෙකු තණමල්විල මීගස්වැව ප්‍රදේශයේදී ඊයේ (17දා) අල්ලා ගත් බව වන ජීවි සංරක්ෂණ දෙපාර්තමේන්තුව පැවසීය.

මෙම ප්‍රදේශයේ ගම්මානවල පුද්ගලයන් තිදෙනෙකු පසුගිය 12 සහ 14 දිනයන්හී මෙම අලියාගේ ප්‍රහාරයෙන් මියගොස් එක් අයෙකු තුවාල ලබා ඇතැයිද එම දෙපාර්තමේන්තුව සඳහන් කරයි.

මෙම අලියා මත්තල ප්‍රදේශයේ සිට සූරියවැව හරහා මෙම ප්‍රදේශයට පැමිණ ඇති බවත්, මෙම වන අලියා හොරොව්පතාන අලි රැඳවුම් මධ්‍යස්ථානය වෙත රැගෙන යාමට කටයුතු කරන බවවන ජීවි දෙපාර්තමේන්තුව වැඩිදුරටත් පැවසීය.