මහපොළ දීමනාව සෑම මසකම 10දා

මින් ඉදිරියට මහපොළ ශිෂ්‍යාධාර මුදල් සෑම මසකම 10 වැනි දිනට ලබාදෙන බව මහපොළ ශිෂ්‍යාධාර අරමුදල සඳහන් කරයි.

මහපොළ ශිෂ්‍යාධාර මුදල් ලබාදීමට අදාළ සියලුම ලේඛන කටයුතු 10 වැනි දිනට පෙර අවසන් කර අදාළ මුදල් ලබාදීමට අවශ්‍ය කටයුතු කරන ලෙසට විශ්වවිද්‍යාලවලට උපදෙස් ලබාදුන් බවද එම අරමුදලේ වැඩබලන අධ්‍යක්ෂක පරාක්‍රම බණ්ඩාර මහතා සඳහන් කළේය.

මහපොළ ශිෂ්‍යාධාර මුදල ලබන පිරිස මේ වනවිට 47,000 ඉක්මවා තිබෙන බවද හෙතෙම පවසා සිටියේය.