මන්ත්‍රී වුවත් දූෂිත නම් නඩු පවරනවාලු

චෝදනාවන්ට ලක්වී සිටින අපේක්‍ෂකයන් මැතිවරණයට ඉදිරිපත් වී මහජන නියෝජිතයන් බවට පත්වූවත් අධිකරණ ක්‍රියාමාර්ග ගෙන මන්ත්‍රී ධුරය අහෝසි කිරීමට අවශ්‍ය කටයුතු කරන බව ‘මාර්තු 12’ ව්‍යාපාරය සඳහන් කරයි.

විවිධ චෝදනාවන්ට ලක් වූ 50 දෙනෙකුට අධික ප්‍රමාණයක් අපේක්‍ෂකයන් ලෙස කටයුතු කරන බවට මේ වනවිට සිදුකළ සොයාබැලීම්වලදී තහවුරුවී තිබෙන බවද එම සංවිධානයේ කැඳවුම්කරු රෝහණ හෙට්ටිආරච්චි මහතා අද (16දා) පැවැති මාධ්‍ය සාකච්ඡාවකදී සඳහන් කළේය.

මේ පිළිබඳව තවදුරටත් සොයා බලමින් සිටින බවද ඒ මහතා පවසා සිටියේය.