මන්ත්‍රී දිනේෂ්ට සිත්කියවීමේ හැකියාව?

(Video) යෝජිත නව ආණ්ඩුක්‍රම ව්‍යවස්ථාවේ සඳහන් කෙරෙන කරුණු පිළිබඳව තමන් කලින්ම කරුණු දැනගත්තේ කෙසේදැයිපාර්ලිමේන්තු මන්ත්‍රී දිනේෂ් ගුණවර්ධන මහතා රටට පැවසිය යුතු බවත්, ඒසඳහා ඔහුට දේව වරමක්, සිත්කියවීමේ හැකියාවක් හෝ කිසියම් බැල්මක් වැටී ඇත්දැයි තමා නොදන්නා බවත් විදුලිබල නියෝජ්‍ය අමාත්‍ය අජිත් පී. පෙරේරා මහතා පැවසීය. ව්‍යවස්ථාදායක සභාවක් පිහිටුවීමෙන් අනතුරුව එමගින් සාකච්ඡා කරන කරුණු මගින් නව ව්‍යවස්ථාව සකසන අතර, ජාතිවාදය ඇවිස්සීමේ අරමුණින් පදනම් විරහිත ප්‍රකාශ නොකරන ලෙස දිනේෂ් ගුණවර්ධන මන්ත්‍රීවරයාගෙන් ඉල්ලා සිටින බවද ඔහු කියා සිටියේය.