මධ්‍යම කඳුකරයේ වාහන ධාවනය පරිස්සමෙන්

මධ්‍යම කඳුකරයේ පවතින අයහපත් කාලගුණික තත්වයන් මත විටින් විට පවතින වැසි තත්ත්වයන්ට අමතරව විටින් විට දැඩි මීදුම් තත්ත්වයන්ද පවතින බැවින් විවිධ රථ වාහන අනතුරු ඇතිවීමේ අවදානමක්ද හට ගෙන තිබේ.

හැටන් - කොළඹ, හැටන් - නුවරඑළිය,හැටන් - මහනුවර, හැටන් - මස්කෙළිය, වැනි ප්‍රධාන මාර්ගවල මෙන්ම අනෙකුත් ග්‍රාමීය මාර්ගවලද මෙම මීදුම් තත්ත්වයන් විටින් විට දැඩිව පවතී.

මීදුම් තත්ත්වයන් මෙසේ වැඩිවන බොහෝ අවස්ථාවලදි එම මාර්ග නොපෙනී යන තත්වයක් පවතින බවත්, මෙම අවස්ථාවලදී විවිධ රථ වාහන අනතුරු ඇතිවීමේ අවදානමක් පවතින බැවින් ඉතා කල්පනාකාරීව රථ වාහන ධාවනය කරන ලෙසත් හැටන් පොලීසියේ රථ වාහන අංශයේ නිලධාරීහු රියැදුරන්ගෙන් ඉල්ලා සිටිති.

එමෙන්ම මෙම වැසි තත්ත්වයන් මත මෙම මාර්ග ලිස්සනසුලු තත්ත්වයේ පවතින බවත්, එම තත්ත්වයන් මත අධික වේගයෙන් රථ වාහන ධාවනය නොකර ඉතා කල්පනාකාරීව රථවාහන ධාවනය කරවීමට පියවර ගන්නා ලෙසත් එම නිලධාරීහු රියැදුරන්ගෙන් ඉල්ලා සිටිති.

හැටන් - චන්ද්‍ර සෙල්ලහේවා