මටත් වැරදුනා. මෛත්‍රීටත් වැරදුනා.

කාලය දිගුකර ගැනීමට ගොස් තමන්ට වැරදුණු ආකාරයට  ජනාධිපති මෛත්‍රීපාල සිරිසේන මහතාටද වැරදී ඇතැයි හිටපු ජනාධිපති මහින්ද රාජපක්ෂ මහතා අද (15දා) පැවසීය.

පාලන කාලය අවසන් වීමට තවත් අවුරුදු දෙකක් තිබියදී තමන් ජනාධිපතිවරණයක් කැඳවීම නිසා වැඩේ වැරදුණු බවත්, ඒ ආකාරයට කටයුතු කිරීමට ගිය මෛත්‍රීපාල සිරිසේන මහතාටද දිට්ඨධම්මවේදනීය කර්මය පළදී තිබෙන බවත් හිටපු ජනාධිපතිවරයා පවසා සිටියේය.

කඩුවෙල අරංගල පැවැති ඒකාබද්ධ පොදුජන පෙරමුණේ මහජන රැලියේදී හෙතෙම මේ බව ප්‍රකාශ කළේය.

“මට බැණ බැණ ගියා අවුරුදු දෙකක් තියලා ඉස්සෙල්ලා මම ආවා කියලා. මම අවුරුදු දෙකක් පරිත්‍යා කළා. වැඩේ වැරදුණා. එතකොට ඒක පරිත්‍යාගයක්. හැබැයි මෙයා මොකද කළේ? පහ මදිවෙලා හයක් කොරගන්න ගියා. ඔන්න මට වෙච්චි වැඩේම මිනිහටත් වෙලා. ඒක පරිත්‍යාගයක් කියන්න ඇහැකි දැන්. ඒකට කියන්නේ දිට්ඨධම්මවේදනීය කර්මය කියලා. ඕක තමයි උපදේශකයන්ගෙන් පරිස්සම් වෙන්න ඕන. වටේ ඉන්න උපදේශකයන් දෙන්නැති නඩුකාරයන්ට කියලා මේක බේරලා දෙන්නම් කියලා. ගියාට වැඩේ වැරදුණා'' යනුවෙන් හෙතෙම වැඩිදුරටත් පවසා සිටියේය.