බස් රථයකට බෝතල් ප්‍රහාරයක්

යාපනය - බදුල්ල බස්රථයකට බදුල්ල මහියංගණය මාර්ගයේ මාපාකඩ 17කණුව ප්‍රදේශයේදී  අද (28) අලුයම එල්ලවූ ප්‍රහාරයකින් එහි රියදුරා ඇතුළු බසයේ ගමන් ගත් කිහිපදෙනෙක් තුවාල ලබා ඇතැයි බදුල්ල පොලීසිය පවසයි.

මෙම ප්‍රහාරයෙන් තුවාල ලැබූවෝ බදුල්ල මහ රෝහලට ඇතුළත් කර සිටිති. තුවාල ලැබූවන් අතර නිවාඩු ලබා පැමිණෙමින් සිටි යුද හමුදා සෙබළෙකුද සිටින බවට තොරතුරු අනාවරණය වී ඇත.

බස් රථයට ප්‍රහාර එල්ලවීමෙන් පසු එහි රියදුරු නොනවත්වාම බසය ධාවනය කර ඇති බව පොලීසිය පවසයි.බදුල්ල හා මහියංගණය පොලීසි සිද්ධිය පිළිබඳ වැඩිදුර විමර්ශන සිදුකරයි.

එන්.කේ.නිශ්ශංක - මීගහකිවුල