භූ කම්පනයෙන් මියගිය පිරිස 2000 ඉක්මවයි

නේපාල භූ කම්පනයෙන් මියගිය පිරිස මේ වනවිට 2,000 ඉක්මවා ඇති බව විදෙස් වාර්තා පවසයි.

වසර 80කින් පසුව එරටට බලපෑ දරුණුතම භූ කම්පනය මෙය බවද කියැවෙයි.

මේ වනවිටත් බොහෝ රටවල් නේපාලය වෙත අවශ්‍ය සහනාධාර සැපයීම අරඹා ඇති බවද වාර්තා වෙයි.

එමෙන්ම, එවරස්ට් කඳු තරණය කරමින් සිටි පිරිසකගෙන් 17 දෙනෙකුද භූ කම්පනය අවස්ථාවේදී හිම කඳු කඩා වැටීමෙන් ජීවිතක්ෂයට පත්ව ඇත.

රික්ටර් මාපකයේ 7.8 ක් ලෙස වාර්තා වූ භූකම්පනයෙන් පසු අද දිනය වනවිට තවත් ප්‍රබල පසු කම්පන රැසක් වාර්තා වී ඇති අතර එහි ප්‍රබලතම පසු කම්පනය ඒකක 6.7ක් ලෙස වාර්තා වී තිබේ.

කත්මණ්ඩු නගරයේ පමණක් මේ වනවිට 700කට වැඩි පිරිසක් ජීවිතක්ෂයට පත්ව ඇති බව කියැවෙයි.