භාණ්ඩාගාරයේ මුදල් රජයට සම්බන්ධ අයගේ ව්‍යාපාරවලට හැරවිලා

මහා භාණ්ඩාගාරයේ මුදල් රජයට සම්බන්ධව සිටි හා සිටින ඇතැම් අයගේ ව්‍යාපාරවලට හැරවී ඇති බව ජනපති මෛත්‍රීපාල සිරිසේන මහතා ප්‍රකාශ කළේය.

මාධ්‍ය ආයතන ප්‍රධානීන් හමුවේදි ජනපතිවරයා අද (26දා) මේ බව ප්‍රකාශ කළේය.

“මේ අවුරුදු තුනේ රජයේ කිසිඳු අනුමැතියක් නැතිව භාණ්ඩාගාරයට එන සල්ලි පුද්ගලික සමාගම්වලට යන්න හැරවිලා තිබෙනවා. ඒකෙන් භාණ්ඩාගාරයට එන විශාල මුදලක් අහිමි වෙලා තිබෙනවා. රජයේ ආදායමෙන්.

ඒ කාරණා සෙයා බලපුවාම රජයටත් සම්බන්ධ සිටි සිටින ඇතැම් අයගේ ව්‍යාපාරවලටත් වාසි දායක ලෙසට තමයි මේ රජයේ ආදායම් පුද්ගලික ආයතනවලට යන්න හදා තියෙන්නේ. මේක බොහොම සුක්ෂමව මේ අවුරුදු තුනක කාලයේදී කරලා තිබෙනවා.”