බෝට්ටුවක් පෙරළී 8 දෙනෙකු ජීවිතක්ෂයට

(UPDATE) කලුතර, කටුකුරුන්ද මුහුදේ අනතුරට පත් යාත්‍රාවේ සිටි 8 දෙනෙකුගේ මෘත ශරිරයන් සොයාගත් බව පොලිසිය සඳහන් කරයි. අනතුරින් තුවාල ලැබූ තවත් 7 දෙනෙකු නාගොඩ රෝහලට ඇතුළත් කර තිබේ.

ආගමික කටයුත්තක් සඳහා බේරුවල සිට කලුතර දක්වා බෝට්ටුවකින් ගමන් කරමින් තිබූ බෝට්ටුවක් පෙරළී එහි ගමන් ගත් කිහිපදෙනෙකු ජීවිතක්ෂයට පත්ව තවත් කිහිපදෙනෙකු අතුරුදන්ව තිබේ.

මිය ගිය අයගේ සිරුරු බේරුවල රෝහලට ගෙනවිත් තිබේ. අතුරුදන් පුද්ගලයන් සෙවීම සඳහා නාවික හමුදාව මෙහෙයුම් සිදුකරයි. බෝට්ටු 20ක් පමණ මෙම ආගමික කටයුත්ත සඳහා එක්ව තිබෙන අතර එයින් එක් බෝට්ටුවක් මෙසේ අනතුරට පත්ව ඇත.

කාන්තාවන් මෙන්ම පුරුෂයින්ද මෙම බෝට්ටුවේ ගමන් කර තිබේ. 

තුසිත කුමාරද සිල්වා