බෙල්ලන්විල අනුනාහිමි රෝහල්ගත කෙරෙති

බෙල්ලන්විල රජමහා විහාරස්ථානයේ විහාරාධිකාරී මහාචාර්ය බෙල්ලන්විල විමලරතන අනුනාහිමියන් ලිස්සා බිම ඇදවැටීම හේතුවෙන් දකුණු කොළඹ ශික්ෂණ රෝහලට අද (02දා) ඇතුළත් කළහ.

බෙල්ලන්විල රජමහා විහාරස්ථානයේ සිටින මියන්මාර් රජයෙන් පරිත්‍යාග වශයෙන් ලැබුණු මියන් කුමරා ඇත් පැටවාට අද (02දා) උදෑසන 9.00ට පමණ විහාරාධිකාරී මහාචාර්ය බෙල්ලන්විල විමලරතන අනුනාහිමියන් පලතුරු ආහාර පිණිස ලබාදීමට ගිය අවස්ථාවේ ලිස්සාගොස්  බිම ඇදවැටීම හේතුවෙන් දකුණු කොළඹ ශික්ෂණ රෝහල වෙත ඇතුළත් කෙරුණු බව රෝහල් ප්‍රකාශකයෙක් පැවසීය.

දෙහිවල එච්. එම්. ධර්මපාල