බැඳුම්කර වාර්තාවේ පිටු 103ක් අඩුයි - ගම්මන්පිල

බැඳුම්කර සිද්ධිය පිළිබඳ ජනාධිපති විමර්ශන කොමිෂම් සභා වාර්තාවේ පිටු 103ක් අඩු වී ඇතැයි ‘පිවිතුරු හෙළ උරුමයේ’ නායක, පාර්ලිමේන්තු මන්තී‍්‍ර උදය ගම්මන්පිල මහතා ඊයේ (18දා) පැවසීය.

පසුගිය ජනවාරි 03 වැනිදා ජනාධිපති මෛත්‍රීපාල සිරිසේන මහතා බැඳුම්කර වාර්තාව සම්බන්ධයෙන් විශේෂ ප්‍රකාශයක් කරමින් එම වාර්තාවේ පිටු 1257ක් තිබෙන බව සඳහන් කළ  බවත්, මේ වනවිට අන්තර්ජාලයට මුදා හැර ඇති බැඳුම්කර වාර්තාවේ ඇත්තේ පිටු 1154ක් පමණක් බවත් මන්ත්‍රීවරයා එහිදී සඳහන් කළේය.