බස්නාහිර ප්‍රදේශ කිහිපයකට ජලය කපයි

අත්‍යාවශ්‍ය නඩත්තු කටයුත්තක් හේතුවෙන් බියගම ජල පවිත්‍රාගාරයට විදුලි සැපයුම අනිද්දා (07දා) අත්හිටුවීමත්, බියගම ජල පවිත්‍රාගාරයේ අත්‍යාව්‍යශ නඩත්තු කටයුතු එදිනම සිදුකිරීම හේතුවෙනි බස්නාහිර පළාතේ ස්ථාන කිහිපයකට ජල සැපයුම අත්හිටවන බව ජාතික ජල සම්පාදන හා ජලාපවහන මණ්ඩලය සඳහන් කරයි.

ඒ අනුව කැළණිය, පෑලියගොඩ, වත්තල, හැඳැල, බියගම, බියගම ආයෝජන කළාපය, මහර, දොම්පේ, ජා ඇල, කටුනායක හා සීදුව යන ප්‍රදේශවලට පෙ.ව. 9.00 සිට පස්වරු 6.00 දක්වා පැය නමයක කාලයක් ජලසැපයුම අත්හිටවන බවද ජාතික ජලසම්පාදන මණ්ඩලය සඳහන් කරයි.