බස් වර්ජනය ක්‍රියාත්මකයි

දුම්රිය වැඩ වර්ජනය ජනාධිපති මෛත්‍රීපාල සිරිසේන මහතා සමග පැවැති සාකච්ඡාවෙන් පසු නවතා දැමූවද බස්රථ වැඩවර්ජනය තීරණය කළ ආකාරයටම ක්‍රියාත්මක කරන බව අන්තර් පළාත් බස් හිමියන්ගේ සංගමය සඳහන් කරයි.

ජනාධිපති මෛත්‍රීපාල සිරිසේන මහතා සමග අද (01දා) සවස සාකච්ඡාවකට පැමිණෙන ලෙසට දන්වා තිබුණද ඒ සඳහා ප්‍රමාණවත් කාලයක් නොමැති වීම නිසා එම සාකච්ඡාවට සහභාගී නොවූ බව එම සංගමයේ නියෝජිතයෝ සඳහන් කරති.

මේ නිසා තීරණය කළ ආකාරයටම මධ්‍යම රාත්‍රි 12.00 සිට බස්රථ වර්ජනය සිදුකරන බව එම පිරිස් දන්වා සිටිති.

ඡායාරූප ඉසුරු පෙරේරා