බස් අනතුරින් 18 ක් රෝහලේ

දඹුල්ල කැකිරාව ප්‍රධාන මාර්ගයේ මිරිස්ගොනිය හන්දිය ප්‍රදේශයේදී අද (30 දා) උදේ බස් රථයක් ලොරි රථයක් ගැටී පුද්ගලයන් 26 ක් තුවාල ලබා ඇත. ඉන් තුවාලකරුවෝ 18ක් දඹුල්ල රෝහලට ඇතුලත් කර සිටිති .සෙසු පිරිස ප්‍රතිකාර නොලබා පිටව ගොස් ඇත.

වව්නියාවේ සිට කොළඹ බලා ධාවනය වෙමින් තිබු අර්ධ සුඛෝපබෝගී පුද්ගලික බස් රථයක් මෙසේ අනතුරට පත්ව ඇත. අනතුරෙන් පසු බස්රථයේ රියදුරු පැනගොස් ඇත. බස් රථයේ සිටි මගින් කියා සිටියේ රියදුරු අධික වේගයෙන් පැමිණි බවයි.