බට්ටාගේ තට්ටුව ගැලවී සිසුන් 4ක් තුවාල ලබයි

පුලස්තිපුර, විජිත මධ්‍ය මහා විද්‍යාලයේ සිසුන් 13 දෙනෙකු ගමන් ගත් බට්ටා වර්ගයේ ලොරියක තට්ටුව  ගැලවී එහි සිටි සිසුන් බිමට වැටී ඇතැයි පොලීසිය කියයි.

අද (09දා) මෙම පෙරවරුවේ මෙම අනතුර සිදුව තිබේ. ක්‍රීඩා උත්සවයකට ගමන් කරමින් සිටි සිසුන් පිරිසක් මෙම අනතුරට භාජනය වී ඇත.  සිද්ධියෙන් තුවාල ලැබූ සිසුන් දෙදෙනෙකු පොලොන්නරුව මහ රෝහටත්, තවත් දෙදෙනෙකු බී.ඕ.පී. 400 රෝහලටත් ඇතුළත් කර තිබේ. සිද්ධිය සම්බන්ධයෙන් ලොරි රථය හා එහි රියදුරු අත්අඩංගුවට ගෙන තිබේ.