පොල් ඇහිඳින්න ගිය පුද්ගලයෙකුට වෙඩි තබයි

පන්නල, හෙන්ඩියගල ප්‍රදේශයේ පොල් වත්තක අනවසරයෙන් පොල් ඇහිඳීමට ගිය පුද්ගලයෙකු පොල් වත්තේ මුරකරු විසින් තැබූ වෙඩි පහරකින් අද (19දා) ජීවිතක්‍ෂයට ඇතැයි පන්නල පොලීසිය පවසයි.

වෙඩි තැබීම හේතුවෙන් බරපතළ තුවාල ලැබූ පුද්ගලයා ප්‍රදේශවාසීන් විසින් රෝහල්ගත කිරීමේදී ජීවිතක්‍ෂයට පත්ව ඇතැයි පොලීසිය පවසයි.

මරණකරු එම ප්‍රදේශයේම පදිංචි 27 හැවිරිදි එක් දරු පියෙකු බව පොලීසිය සඳහන් කරයි.

සිදුවීම සම්බන්ධයෙන් පන්නල පොලීසිය වැඩිදුර විමර්ශන සිදුකරයි.