පුද්ගලයන් ලියාපදිංචි කිරීමේ පනත් කෙටුම්පත පාර්ලිමේන්තුවට

පුද්ගලයන් ලියාපදිංචි කිරීමේ සංශෝධන පනත් කෙටුම්පත සභානායක,අමාත්‍ය ලක්ෂ්මන් කිරිඇල්ල මහතා  පාර්ලිමේන්තුවට අද (10) ඉදිරිපත් කළේ ය.

විද්‍යුත් ජාතික හැදුනුම්පතක් නිකුත් කිරීමේ හා ජාතික  හැදුනුම්පත ලබාගැනීමට අවශ්‍ය වයස් සීමාව අඩු කිරීමේ සංශෝධනය, ජාතික හැදුනුම්පතක් ලබාගැනීමේ වයස් සීමාව අවුරුදු 15 දක්වා අඩු කිරීමට මෙම පනත් කෙටුම්පතින් යෝජනා කර  තිබේ.

ශ්‍රී ලංකාවේ සියලුම පුරවැසියන්ගේ තොරතුරු ඇතුළත් පුද්ගලයන් පිළිබඳ ජාතික නාමලේඛනය යනුවෙන්  හදුන්වනු ලබන දත්ත සමූහයක් ඇති කර පවත්වාගෙන යාමටත් පනතින් විධිවිධාන සලස්වා  ඇත.

පුද්ගලයන් පිළිබඳ ජාතික නාම ලේඛනයට ශ්‍රී ලංකාවේ පුරවැසියෙකු වන සෑම තැනැත්තෙකුම ලියාපදිංචි  විය යුතු බවට විධිවිධාන ඇතුළත් කර ඇත.