රණවිරුවෝ පාර වසති - විකල්ප මාර්ග යොදාගන්න

රණවිරු අයිතිවාසිකම් සුරැකීමේ ජාතික බලවේගය ආරම්භ කළ විරෝධතාවක් හේතුවෙන්,කොළඹ පිටකොටුව, ඕල්කට් මාවතේ, සිට කොළඹ කොටුව දෙසට මාර්ගය අවහිර වී ඇති අතර මගී ජනතාව දැඩි අපහසුතාවට පත්ව සිටිති. ඔවුන් ඕල්කට් මාවතේ එක් මංතීරුවක් වසමින් විරෝධතාවයේ නිරතව සිටිති.

යෝජිත සේවා විශ්‍රාම වැටුප ලබාදෙන ලෙස ඉල්ලමින් ඔවුන් සිය විරෝධතාවය ඊයේ(31දා) ආරම්භකළ අතර අදත් ඔවුහු සිය විරෝධතාව පවත්වමින් සිටිති. මේ හේතුවෙන් දැඩි රථවාහන තදබදයක්ද ඇති වී තිබෙන අතර දිනපතා සේවයට වාර්තා කරන ජනතාව දැඩි අපහසුතාවට පත්ව සිටිති.

ඊයේ(31දා) ඔවුන් විරෝධතාවයේ යෙදුන අයුරු පහත ඡායාරූප මගින් දැක්වේ. 

ඡායාරූප - ශමීර රාජපක්ෂ