පැය 7කදී 36 ක් අත්අඩංගුවට

වැලිකඩ පොලිස් වසමේ ස්ථාන කිහිපයක්දී පොලිස් නිලධාරින් ඇතුළු කණ්ඩායම් 4ක් කළ වැටලීමකදී සැකකරුවන් 36 දෙනෙකු අත්අඩංගුවටගැනිමට සමත්වූ බව පොලීසිය නිවේදනයක් නිකුත් කරමින් පවසයි.

අද (15දා) පෙ.ව. 5.00 සිට මධ්‍යාහ්න 12.00 දක්වා මෙම වැටලීම සිදුකර තිබේ. ඒ අනුව බණ්ඩාරනායකපුර, ඔබේසේකරපුර, අරුණෝදය මාවත, මාළිගාව පාර, මදින්නාගොඩ යන ප්‍රදේශ ආවරණය වන පරිදි මෙම වැටලිම සිදුකර තිබේ. 

එහිදී ගංජා හා හෙරොයින් ළග තබා ගැනීම හේතුවෙන් සැකකරුවන් 10ක් හා වරේන්තු කරුවන් 3 දෙනෙකු, සැකකරුවන් 23 දෙනෙකු මෙසේ අත්අඩංගුවට ගත් බව පොලීසිය කියයි.

සැකකරුවන් හෙට (15දා) අධිකරණයට ඉදිරිපත් කිරිමට නියමිතය.