පැමිණිල්ලක් විභාගයට ගිය කොස්තාපල්ට ප්‍රහාරයක්

ගොකරැල්ල පොලිස් ස්ථානයට ඊයේ (07දා) ලද පැමිණිල්ලකට අනුව අද (08දා) උදෑසන වගඋත්තරකරුගේ නිවසට ගිය පොලිස් කොස්තාපල්වරයෙකුට වගඋත්තරකරු විසින් තියුණු ආයුධයකින් පහරදී ඇතැයි ගොකරැල්ල පොලීසිය සඳහන් කරයි.

තුවාල ලැබූ පොලිස් කොස්තාපල්වරයා මේ වන විට කුරුණෑගල ශික්ෂණ රෝහලට ඇතුළත් කර ඇතැයි පොලීසිය පවසයි.

ඒ අනුව අදාළ සැකකරු අත්අඩංගුවට ගෙන ඇති බව ගොකරැල්ල පොලීසිය වැඩිදුරටත් සඳහන් කරයි.

සිද්ධිය සම්බන්ධයෙන් ගොකරැල්ල පොලීසිය වැඩිදුර පරීක්ෂණ සිදුකරයි.