පාසල් සිසුන්ටත් නීතිය තදින්

රටේ පවතින නීතිය කඩකිරිමට කිසිවෙකුටත් අවස්ථාවක් නොමැති බවත් පාසල් සිසුන්ද එය එළසම ඉදිරියේදී ක්‍රියාත්මක කරන බවත් නියෝජ්‍ය පොලිස්පති ප්‍රියන්ත ජයකොඩි මහතා කියයි. ඊයේ (15දා) කොළඹ ආනන්ද - නාලන්ද විදුහල් අතර ඇතිවූ ගැටුම හා කොළඹ ඩී.එස්. සේනානායක විදුහලේ ඇතිවූ ගැටුම සම්බන්ධයෙන් මාධ්‍යයට ප්‍රකාශයක් කරමින් ඔහු මේ බව පැවැසීය.

මෙතෙක් කලක් පාසල් සිසුන් වෙනුවෙන් සුමට ක්‍රියාමාර්ග අනුගමනය කළත් ඉදිරියේදී එසේ ක්‍රියා නොකරන බවත් නිතිය කඩකරන පාසල් සිසුන් අත්අඩංගුවට ගෙන අධිකරණයට ඉදිරිපත් කරන බවත් ඔහු පැවැසීය.

ඒ අනුව දෙමාපියන් මෙන්ම ගුරුවරුන් සිය දරුවන් පිළිබඳව අවධානයෙන් කටයුතු කළ යුතු බව ඔහු පවසයි.