ප්ලේබෝයි නිරුවත නවතයි

ලෝක ප්‍රකට ප්ලේබෝයි සඟරාව අලුත් පරිච්ඡේදයකට පියවර ඔසවමින්, නිරූපණ ශිල්පිනියන්ගේ නිරුවත් ඡායාරූපවලින් තොරව සිය නවතම සංස්කරණය එළිදක්වා තිබේ.

නව පරම්පරාවේ පාඨකයන් ඉලක්ක කරමින් සඟරාව විසින් සිදුකරන අලුත් වෙනස්කම් අතර මෙසේ නිරුවත් ඡායාරූප යොදා නොගැනීම එක් වෙනස්කමක් පමණක් බව පැවසෙයි.

මීට අමතරව, දීර්ඝ කාලයක් පුරා සඟරාවේ පළ වූ කාටූනය සහ හාස්‍ය තීරයද ඉන් ඉවත් කර තිබේ. එමෙන්ම, මැද පිටුවද ප්‍රධාන නිරූපිකාවට පමණක් සීමා කර නැති අතර, වඩා හොඳ මුද්‍රණ කඩදාසියක්ද යොදා ගනිමින්, එහි ප්‍රමිතිය ඉහළ දැමිමට කටයුතු කර තිබේ.