පවුලකට රු 2500කින් ජීවත්විය හැකි බව කිව්වේ නෑ

පවුලකට රුපියල් 2500කින් මාසයක් ජීවත් වියහැකි යැයි තමා කිසිම අවස්ථාවකදී කියා නැති බව පාර්ලිමේන්තු මන්ත්‍රි බන්දුල ගුණවර්ධන මහතා පාර්ලිමේන්තුවේදී අද (07) පැවසීය.

මහපොළ දීමනාවෙන් විශ්වවිද්‍යාල ශිෂ්‍යයෙකුට මාසයක් ජීවත්විය හැකි යැයි තමන් සිදුකළ ප්‍රකාශයක් උපුටා ගෙන මඩ ගැසීමේ අදහසින් පවුලකට රුපියල් 2500කින් ජීවත් විය හැකි යැයි ප්‍රචාරය කර තිබෙන බව මන්ත්‍රීවරයා මෙහිදී සඳහන් කළේය.

ජනතා විමුක්ති පෙරමුණේ සුනිල් හඳුන්නෙත්ති මහතා මෙහිදී සඳහන් කළේ බන්දුල ගුණවර්ධන මහතා ආණ්ඩුවේ සිටියදී කියූ ප්‍රකාශ විපක්ෂයට යන විට වෙනස් වන බවයි. ආණ්ඩුවේ සිට විපක්ෂයට මාරුවීම පමණක් මෙහිදී සිදුව තිබෙන බවද ඔහු පැවසීය.