පරිසර නිලධාරීන් ඉන්නවාදැයි ජනපති අසයි

රට තුළ සිදුවන පරිසර විනාශය දෙස බැලීමේදී පරිසරය රැක ගැනීමට සිටිනා පරිසර නිලධාරීන් සිටිනවාද යන්න ප්‍රශ්නයක් ඇති වී තිබෙන බව ජනාධිපති මෛත්‍රීපාල සිරිසේන මහතා සඳහන් කළේය.

අද පැවති ප්‍රාදේශීය පරිසර නිලධාරීන්ගේ සමුළුවට සහභාගි වෙමින් මේ බව සඳහන් කළ ජනාධිපතිවරයා වැඩිදුරටත් පවසා සිටියේ දිස්ත්‍රික්ක වශයෙන් සිදුවන පරිසර විනාශයක් ජනාධිපති මාධ්‍ය අංශය මගින් වීඩියෝගත කර සහ ඡායාරූපගත කර දිස්ත්‍රික්ක පරිසර කමිටු රැස්වීම් වලදී ප්‍රදර්ශනය කිරීමට කටයුතු කරන බවයි.

මෙලෙස ලබාගන්නා දත්ත මගින් අදාළ දිස්ත්‍රික්කය තුළ සිදුවන පරිසර විනාශය පිළිබඳව බලධාරීන් දැනුවත් කරන බවත්, පරිසරය රැක ගැනීමේදී පරිසර නිලධාරීන්ට විශාල කාර්යභාරයක් පැවරී තිබෙන බවත් පවසා සිටියේය.

ඡායාරූප - ඉසුරු පෙරේරා