පක්ෂය වෙනුවෙන් මාරාගෙන මැරෙනවා - ජනක

පක්ෂය වෙනුවෙන් මරාගෙන මැරීමට ලෑස්ති බවත්, මහ ලේකම්වරුන් ඉවත් කිරීම එරෙහි බවත් හිටපු අමාත්‍ය ජනක බණ්ඩාර තෙන්නකෝන් මහති කියයි.

දඹුල්ලේ පැවැති මාධ්‍ය සාකච්ඡාවක් අමතමින් ඔහු මෙම අදහස් දැක්වීය.

“අපේ ලේකම්වරු දෙදෙනා ඉවත්කිරිම ගැන දැඩි කෝප වෙනවා. මම එකක් කියනවා. මරණාධාර සමිතියක වුණත් ලේකම් හෝ භාණ්ඩාගාරික අයින් කරනවානම් සභාපති මහ සභාව කැදවනවා. එහෙමයි ප්‍රජාතන්ත්‍රවාදය ක්‍රියාත්මක වෙන්නේ. මේක පක්ෂයක්. මේක මේ විදියට විකුණන්න දෙන්න බෑ. අපි මධ්‍යම කාරක සභාව කැඳවන්න කීවත් කැඳෙව්වේ නෑ. කෝ ප්‍රජාතන්ත්‍රවාදය, කෝ යහපාලනය. සිරිකොතේ ඉදලා ගන්න තීන්දුවලට අපිට යටත්වෙන්න බෑ.අපි සූදානම් එළියට බැහැලා මේ වෙනුවෙන් කතා කරන්න.සටන් කරන්න.ජනතාවට කියනවා බය වෙන්න එපා අපි මරාගෙන මැරෙන්න හරි ඉන්නනවා. සිරිකොතෙන දෙන තීන්දුවලට අපි එකග නෑ. මේ ක්‍රියාත්මක නොකළොත් අපි පෑලෑන් බී එකකුත් ගේනවා.”