නිවසේ පදිංචි ඥාති කාන්තාව කළ කොල්ලය

හැටන් අඹුසැමි යුවලක් නගරයේ පිහිටි බැංකුවකින් මුදල් රුපියල් 147000/- ක් තම ගිණුමෙන් රැගෙන නගරයේ ගමන්කරමින් සිටියදි පිටුපසින් පැමිණි කළු කබායක් ඇදගත් කාන්තාවක් ස්වාමි පුරුෂයාගේ ගෙල කපා කාන්තාව සන්තකයේ තිබු මුදල් බෑගය කොල්ලකා පලායන විට අදාළ සැකකාරිය පොලීසිය අත්අඩංගුවට ගත්  බව පොලීසිය කියයි.

සැකකාරිය පසුපස පන්නා ගොස් අත්අඩංගුවට ගෙන තිබෙන අතර ඇය සන්තකයේ තිබූ මුදල්ද සොයාගැනීමට පොලීසිය සමත්ව තිබේ. සිද්ධියෙන් තුවාල ලැබු පුද්ගලයා දික්ඔය රෝහලට ඇතුලත්ව නේවාසිකව ප‍්‍රතිකාර ලබන බව පොලීසිය සඳහන් කරයි.  

අත්අඩංගුවට ගත් සැකකාරිය එම යුවළගේ නිවසේ නිවසේ පදිංචිව සිටි අවිවාහක ඥාති කාන්තාවක් බව පොලිසිය කල විමර්ශනයේදි හෙළිව තිබේ . සැකකාරිය අද (27දා) හැටන් මහේස්ත‍්‍රාත් අධිකරණයට ඉදිරිපත් කිරීමට නියමිත බවත් පොලිස් මාධ්‍ය ප්‍රකාශක කාර්යාලය සඳහන් කරයි.