නවීන තාක්ෂණයෙන් හොර මත්පැන් පෙරළා

කඩවත ඉහල බියන්විල ප්‍රදේශයේ කුලියට ගත් දෙමහල් නිවසක ඉහළ මාලයේ නවීන තාක්ෂණය උපයෝගි කරගෙන නීති විරෝධී අයුරින් මත්පැන් නිශ්පාදනය කළ කාන්තාවක් හා පිරිමින් දෙදෙනෙකු පානදුර වළාන මත්ද්‍රව්‍ය දූෂණ නාශක කාර්යාංශයේ නිලධාරීන් විසින් අත්අඩංගුවට ගෙන තිබේ.

සැකකරුවන් සන්තකයේ තිබී සුඛෝපභෝගී වාහනයක්ද පොලිස් භාරයට ගෙන තිබෙන අතර ලක්ෂ ගණනක ගොඩා හා මත්පැන් නිශ්පාදනයට යොදා ගන්නා උපරකණ තොගයක්ද පොලිස් භාරයට ගෙන තිබේ.

ඊයේ (03දා) මෙම අත්අඩංගුවට ගැනීම සිදුකර තිබේ.

බිමල් ශ්‍යාමන් ජයසිංහ