දූෂණ තොරතුරු හෙළිකරන්නන්ගේ ආරක්ෂාවට පළිහක්

දූෂණ තොරතුරු හෙළි කරන්නන්ගේ ආරක්ෂාව සඳහා වෘත්තීය සමිති 60 ක් එක්ව අද (26දා) ප්‍රතිපත්ති මාලාවක් එළිදක්වනු ලැබිණි.  දූෂණ තොරතුරු හෙළි කරන්නන්ගේ ආරක්ෂාවට රට තුළ වැඩ පිළිවෙළක් නොමැතිවීම නිසා ගෙවීගිය කාලය පුරාම දූෂණ, වංචා සිදුකළ පුද්ගලයන්ට දඬුවම් නොලැබුණු බවත්, දඬුවම් ලැබුණේ දූෂණ වංචා හෙළි කළ රට ආදරය කරන මිනිසුන්ට බවද දූෂණ විරෝධී සන්ධානය සඳහන් කළේය.

මේ නිසා සකස් කළ ප්‍රතිපත්තිය රජයට ඉදිරිපත් කර සම්මත කර ගෙන එම ප්‍රතිපත්තිය රටේ නීතියක් බවට පත්කර ගන්නා බවද එම සන්ධානයේ කැඳවුම්කරු සමන් රත්නප්‍රිය මහතා සඳහන් කළේය.

පනත කඩිනමින් සම්මත කරන ලෙසට රජයට බලකරන බැනරයකට අත්සන් තැබීමටත් වෘත්තීය සමිති නියෝජිතයන් සහ සිවිල් සංවිධාන ක්‍රියාකාරීන් විසින්  අද (26දා) සිදුකරනු ලැබිණි. 

ඡායාරූප -  ඉසුරු පෙරේරා

්‍