දුමින්ද ගැන ඩිලාන් කියපු කතාව

දුමින්ද දිසානායක මහතා පක්ෂ මහලේකම් තනතුරේ සිටියදී සිදුකළ වැඩ කිරීමට ගියහොත් ලැබී තිබෙන ජාතික සංවිධායක ධුරයත් අහිමි වී යන බව ශ්‍රී ලංකා නිදහස් පක්ෂ මාධ්‍ය ප්‍රකාශක ඩිලාන් පෙරේරා මහතා සඳහන් කළේය.

අද (07දා) පැවැති මාධ්‍ය සාකච්ඡාවකදී හෙතෙම මේ බව සඳහන් කළේය.

දුමින්ද දිසානායක මහතා මහ ලේකම් තනතුරින් ඉවත් කිරීම විශාල ජයග්‍රහණයක් බවත්, ඔහු ඉවත් වූ පසු ජනාධිපති මෛත්‍රීපාල සිරිසේන මහතාත්, හිටපු ජනාධිපති මහින්ද රාජපක්ෂ මහතාත් එකම මතයකට ගෙන ඒමට හැකි වූ බවත් ඒ මහතා එහිදී ප්‍රකාශ කළේය.

මේ අනුව සුදර්ශනී ප්‍රනාන්දු පුල්ලේ මහත්මීයට නියෝජ්‍ය කථානායක ධුරය ලබාදීමට කටයුතු කරන ලෙසට දෙදෙනාම තම කණ්ඩායම් නියෝජිතයන්ට උපදෙස් ලබාදී තිබූ බවද හෙතෙම පවසා සිටියේය. එහෙත් ගෝලයෝ කිහිප දෙනෙකු ප්‍රාදේශීය දේශපාලන බලයක් ගැන සිතා වෙන වෙන තීරණවල සිටි බවද හෙතෙම එහිදී සඳහන් කළේය.