දුම්වැටි නිවාරණ ජගත් විශිෂ්ටතා සම්මානය රාජිතට

ශ්‍රී ලංකා තුළ බෝ නොවන රෝග 65% කින් මර්දනය වී ඇති බවත්, දුම්කොළ හා දුම්වැටි ඒ සඳහා හේතුකාරක වී ඇති බවත් සෞඛ්‍ය, පෝෂණ හා දේශීය වෛද්‍ය අමාත්‍ය වෛද්‍ය රාජිත සේනාරත්න මහතා පැවසීය.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ලෝක සෞඛ්‍ය සංවිධානයෙන් හිමිවූ ‘දුම්වැටි නිවාරණය පිළිබඳ 2015 ජගත් විශිෂ්ටතා සම්මානය’ හිමි කරගැනීමෙන් අනතුරුව බත්තමුල්ල වෝටර්ස් ඒජ් හිදී ඊයේ (07දා) පැවැති උත්සවයකදී මේ බව සඳහන් කළ අමාත්‍යවරයා වැඩිදුරටත් සඳහන් කළේ, වත්මන් රජයේ ප්‍රධාන අභියෝගය බෝ නොවන රෝග මර්දනය කිරීම බවයි.

මීට පෙර දුම්වැටි නිවාරණය පිළිබඳ ජගත් විශිෂ්ටතා සම්මානය ජනාධිපති මෛත්‍රීපාල සිරිසේන මහතාට හා හිටපු සෞඛ්‍ය අමාත්‍යවරයෙකු වූ නිමල් සිරිපාල ද සිල්වා මහතාට හිමිව තිබුණි.

ඡායාරූප - ඒෂාන් ප්‍රනාන්දු