හිඟුරක්ගොඩ - පොළොන්නරුව දුම්රිය ගමනට බාධා

ඇතුමල්පිටිය මාර්ගයේ හිඟුරක්ගොඩ - පොළොන්නරුව දුම්රිය ස්ථාන අතර (ලක්ෂ උයන දුම්රිය නැවතුම්පොළ අසල) සැ. 155 දම්. 49 දරන ස්ථානයේ පිහිටි දුම්රිය හරස් මාර්ගය අලුත්වැඩියා කිරීම හේතුවෙන් අද (15දා) සිට 18 වැනිදා දක්වා වසා තැබෙන බව දුම්රිය දෙපාර්තමේන්තුව සඳහන් කරයි.

මේ අනුව අද (15දා), හෙට (16දා) හා 18 දිනවල පෙ.ව. 07.00 සිට ප.ව. 20.30 දක්වා අර්ධ වශයෙන්ද, අනිද්දා (17දා) සිට පෙ.ව. 07.00 සිට ප.ව. 20.30 දක්වා සම්පූර්ණ වශයෙන්ද වසා තිබේ.

මේ හේතුවෙන් අර්ධ වශයෙන් වසා තැබෙන කාලය තුළ මෙහි වාහන ධාවනය කිරීමේදී වාහන හැසිරවීම සඳහා සහාය දක්වන අතර, සම්පූර්ණ වශයෙන් වසා තැබෙන කාලය තුළ කර්මාන්තපුර පාර විකල්ප මාර්ග වශයෙන් භාවිත කළ හැකි බවද දුම්රිය දෙපාර්තමේන්තුව වැඩිදුරටත් සඳහන් කරයි.