දියනෑමට ගොස් අතුරුදන්ව සිටි පුද්ගල සිරුර හමුවේ

නානුඔය ග්ලාසෝ ඔයේ ඊයේ (05දා) පස්වරුවේ දියනෑමට ගොස් අතුරුදන්ව සිටි තරුණයෙකුගේ මළ සිරුර අද (06දා)  පෙරවරුවේ සොයා ගත් බව නානුඔය පොලීසිය පවසයි.

නුවරඑළිය ඔලිෆන්ටන් තේ වතුයායේ පදිංචිව සිටි ෂරවණ ශ්‍රීනාත් (17) නැමති තරුණයෙකු මෙලෙස ජීවිතක්ෂයට පත්ව ඇත.

නුවරඑළිය නාවික හමුදා කඳවුරේ කිමිදුම්කරුවන් විසින් නුවරඑළිය පොලීසිය හා ප්‍රදේශවාසීන්ගේ සහායෙන්  දියත් කළ මෙහෙයුමකදී මළ සිරුර සොයා ගනු ලැබිණි.  මේ සම්බන්ධයෙන් පශ්චාත් මරණ පරීක්ෂණය නුවරඑළිය මහ රෝහලේදී අද පැවැත්වීමට නියමිත බව නානුඔය පොලීසිය වැඩිදුරටත් සඳහන් කරයි.