තිනපුයල් පුවත්පත් කාර්යාලය ඉදිරිපිට පිපිරීමක්

වවුනියාව , තේක්කවත්ත ප‍්‍රදේශයේ පිහිටි තිනපුයල් පුවත්පත් කාර්යාලය ඉදිරිපිට පෙරේදා (21දා) රාතී‍්‍ර 9.30 ට පමණ කිසියම් පිපිරීමක් සිදුවී ඇති බැව් වවුනියාව පොලීසිය පැවසීය.

තිනපුයල් පුවත්පත වවුනියාව දිස්ති‍්‍රක්කයේ පමණක් බෙදාහරින ප‍්‍රාදේශීය පුවත්පතක් වන අතර, වවුනියාව පොලීසිය පැවසුවේ පිපිරවීම හේතුවෙන් පුවත්පත් කාර්යාලයේ භාණ්ඩ වලට සුළු හානියක්සිදුවී ඇති  බවයි.

පෙට්‍රල් බෝම්බයක් වැනි යමක් පිපිරීමට හේතු වී  ඇති බවට වවුනියාව පොලීසිය සැක පළ කරයි.පුවත්පත් කාර්යාලය ඉදිරිපිට පිපිරවීමක් ඇතිකිරීමට හේතුව හා අදාළ පිපිරවීම සිදුකළ පුද්ගලයන් අත්අඩංගුවට ගැනීමට වවුනියාව පොලීසිය පරීක්ෂණ මෙහෙයවයි.