ත්‍රිවිධ ජාතීන්ගේ හමුදාවක් රටට අවශ්‍යයි

ජනාධිපතිවරයාගේ බලාපොරොත්තුව සිංහල හමුදාවක් හැදීමට නොව ත්‍රිවිධ හමුදාව   සිංහල,දෙමල,මුස්ලිම් යන ත්‍රිවිධ  ජාතීන්ගේ හමුදාවක් බවට පත් කරීමට යැයි උතුරු පළාත් ආණ්ඩුකාර රෙජිනෝල්ඩ් කුරේ මහතා පැවසීය.

එමෙන්ම යුධ හමුදාව මේ රටේ සංවර්ධන හමුදාවක් බවට පත්විය යුතු බවද සංහිදියාවේ  සුවද බෙදාගන්නා සාම හමුදාවක් විය යුතුයැයිද හෙතෙම පැවසුයේ උතුරු  පළාත කේන්ද්‍ර කරගත් 07 වන රණවිරු සැමරුම් උළෙලට කිලිනොච්චිය කොකාවිල් කුලුණ ඉදිරිපිට ඇති රණවිරු ස්මාරකය ඉදිරිපිටදී අද(10දා) සහභාගී වෙමිනි.

එහිදී ආණ්ඩුකාරවරයා මෙසේද පැවසීය

තිස් අවූරුද්දක් තිස්සේ දික්ගැස්සුනු බිහිසුණු යුද්ධයෙන් අවසන් කරන්න මේ රට පුරා ගලා ගිය වේදනා, අදෝනා,ශෝකාලාප,මරණ,ලේ ගංගා නතර කිරීමට ඇපකැප වෙලා ජයග්‍රහණය ලබා දැන් කාලය ගතවී අවසන්.දැන් සාමයේ මල් පිපී තිබේ.යුද්ධය නිසා මේ රටේ සියලුම දේ නැතිකරලා දැම්මා.රට සංවර්ධනය කරන්න තිබුණු මුදල් ගිනි තිබ්බා.වෙඩි තියා ගන්න,විනාශ කරන්න,මරණය,සමුල ඝාතනය කරන්න වියදම් උනා.එයින් අපිට ලැබුනේ වේදනාව සහ අදෝනාව විතරයි.

අද යුධ හමුදාව මේ රටේ සංවර්ධන හමුදාවක් බවට පත්විය යුතුයි.සංහිදියාවේ  සුවද බෙදාගන්නා සාම හමුදාවක් විය යුතුයි.

මේ දිනවල පොලිසියට ද්‍රවිඩ සහෝදරයන් බදවා ගන්නවා ද්‍රවිඩ ජනතාවගේ ප්‍රශ්න තේරුම් අරගෙන ඔවුන්ගේ ප්‍රශ්ණ විසදන්න ඔවුන්ගේ බසින් කතාකරන අය සිංහල පොලිසියක් නොව සිංහල,දෙමල,මුස්ලිම් කවුරුත් ඉන්න පොලිසියක් අපි නිර්මාණය කරන්න බලපොරොත්තු වෙනවා.

ජනාධිපතිතුමාගේ බලාපොරොත්තුව සිංහල හමුදාවක් හදන්න නෙවෙයි.මේ ත්‍රිවිධ හමුදාව සිංහල,දෙමල,මුස්ලිම් ත්‍රිවිධ  ජාතීන්ගේ හමුදාවක් බවට පත් කරන්න එතුමා කටයුතු කරනවා ඇති.ඒ නිසා පොලිසියත් ත්‍රිවිධ ජාතීන්ට අයත් හමුදාවත් ත්‍රිවිධ ජාතීන්ට අයත් මේ මුළු මහත් රටත් ත්‍රිවිධ ජාතීන්ට අයත් කියමින් මේ රණවිරු උපහාර උත්සවය රටදැය වෙනුවෙන් දිවිපිදු ජාති,ආගම්,කුල භේද වලින් තොරව සියලුම රණවිරුවන්ට  උපහාරයක් වේවායි මා ප්‍රාර්ථනා කරමි.

7 වන රණවිරු දිනය නිමිති කොටගෙන ප්‍රදේශයේ අඩු ආදායම්ලාභී පාසල් දරු දැරියන්ට පාසල් උපකරණ කට්ටල 30ක් බෙදා දෙන ලැබූ අතර උතුරු පළාතේ රාජ්‍ය නිළධාරීන්ද ඇගයීමට ලක් විය.