තරහ ගිය ස්කූටර් අම්මට දුව අමතක වූ හැටි

(VIDEO) තම යතුරු පැදියට ඉන්ධන ලබාගැනීම සඳහා ඊයේ (29දා) පස්වරුවේ පිරවුම්හලට පැමිණි මවක ඉන්ධන ලබාගැනීමේ සිදුවූ ප්‍රමාදය හේතුවෙන් උරණව තම දරුවා පිරවුම්හලේ දමාගිය පුවතක් දඹුල්ල ඉන්ධන පිරවුම්හලකින් වාර්තා වේ.

අදාළ කාන්තාව පිරවුම්හලට පැමිණ තමාගේ වාරය එන තෙක් සිටියදී පසුව පැමිණි ත්‍රිරෝද රථයක් ඇයට ඉදිරියෙන් නවත්වා ඇති අතර, ඉන්ධන පිරවුම්හලේ සේවකයා පසුව පැමිණි ත්‍රිරෝද රථයට ඉන්ධන ලබාදීමට කටයුතු කර තිබේ.

ඉන් මහත් සේ කෝපවූ මව තම යතුරු පැදියද පණගන්වා ඉන්ධන හලෙන් පිටව යෑමට කටයුතු කර ඇත්තේ තමන් සමග පැමිණි දියණියද අමතක කරමින්ය.

මෙම සිදුවීමෙන් කලබල වූ දියණිය මවගේ යතුරු පැදිය පසුපස දිවයෑමේදී අවට පිරිස් හා ඉන්ධන හලේ සේවකයන්ගේ කෑගැසීමත් සමග යතුරු පැදිය නැවතූ ඇයට දියණිය රැගෙන යන ලෙස ඉන්ධන හලේ සේවකයන් පවසා තිබේ.

අදාළ සිදුවීම ඉන්ධන පිරවුම්හලේ තිබූ ආරක්ෂිත කැමරා පද්ධතියක මනාව සටහන්ව තිබිණි.