ජෙලට්නයිට් කූරු 55ක් සමග සැකකරුවෙකු නාවික හමුදා අත්අඩංගුවට

ත්‍රිරෝද රථයකින් ජෙලට්නයිට් කූරු 55ක් ප්‍රවාහනය කරමින් සිටි පුද්ගලයෙකු කින්නියා ප්‍රදේශයේදී අද (07දා) අත්අඩංගුවට ගැනීමට හැකිවූ බව නාවික හමුදාව පවසයි.

මේ පිළිබඳව නාවික හමුදාවට ලද තොරතුරක් මත ත්‍රිකුණාමලය දිසා දූෂණ මර්දන ඒකකයේ නිලධාරීන් පිරිසක් හා එක්ව නාවික හමුදාව සිදුකළ වැටලීමකදී මෙම ජෙලට්නයිට් කිලෝග්‍රෑම් 7.425ක් වූ කූරු 55ක් සොයාගැනීමට හැකිව තිබේ.

අත්අඩංගුවට ගත් සැකකරු හා ජෙලට්නයිට් කූරු තොගය කින්නියා පොලීසියට බාරදීමට කටයුතු කළ බව නාවික හමුදා මාධ්‍ය අංශය වැඩිදුරටත් සඳහන් කරයි.