ජනමාධ්‍ය ලේකම් ස්වයං වාරණයක් පනවා ගනියි

ජනමාධ්‍ය ක්ෂේත්‍රයට යටිතල පහසුකම් සපයනවා හැරෙන්නට මාධ්‍ය සම්බන්ධයෙන් කිසිම ප්‍රකාශයක් නිකුත් නොකිරීමට ස්වයංවාරණයක් පනවා ගන්නා බව පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ලේකම් නිමල් බෝපගේ මහතා අද (03දා) පැවසීය.

පසුගිය දින කිහිපයේදී තමාට මාධ්‍යවලින් කිසිම ඉඩක් නොලැබුණු බවත්, තමාගේ කතාව තුළ සැඟවුණු න්‍යාය පත්‍ර නොමැති බවත් ලේකම්වරයා සඳහන් කළේය.

ලෝක ජනමාධ්‍ය දිනය වෙනුවෙන් 'ජනමාධ්‍යයේ නූතන ප්‍රවණතා හා ජනතා අපේක්ෂා' මැයෙන් රජයේ ප්‍රවෘත්ති දෙපාර්තමේන්තුවේ පැවති වැඩමුළුවකට එක්වෙමින් ඒ මහතා මේ බව කියා සිටියේය.

තමා මාධ්‍ය පිළිබඳව විශේෂඥයෙකු නොවන නිසා මාධ්‍යවලට උගන්වන්නට නොයන බවත්, තමා කිසිම අවස්ථාවකදී මාධ්‍ය වාරණයක් ගැන කතා නොකළ බවත් හෙතෙම වැඩිදුරටත් පවසා සිටියේය.