ජනපති JR ජයවර්ධන 19 වැනි ගුණ සැමරුම

හිටපු ජනාධිපති දිවංගත ජේ.ආර්. ජයවර්ධන මහතාගේ 19 වැනි ගුණඅනුස්මරණය අද (01දා) කොළඹ 07 ජේ.ආර්. ජයවර්ධන කේන්ද්‍රයේදී පැවැත්විණි.

එහිදී මහා සංඝයාවහන්සේලාට දානමය පුණ්‍යකර්මයක් පැවැත්වූ අතර, අග්‍රාමාත්‍ය රනිල් වික්‍රමසිංහ මහතා සහ ජයවර්ධන මහතාගේ පවුලේ ඥාතීහුද ඒ සඳහා සහභාගී වූහ.

දානමය පුණ්‍යකර්මයේදී අනුශාසනාවක් කළ තිඹිරිගස්යාය අශෝකාරාමාධිපති පූජ්‍ය ගැටහැත්තේ සෝභිත හිමියෝ අවධාරණය කළේ, ජේ.ආර්. ජයවර්ධන මහතා කිසිදා ප්‍රතිපත්ති වෙනස් නොකළ දේශපාලඥයෙකු බවත්ථ ලංකාවේ ප්‍රථම විධායක ජනාධිපති ලෙස ජේ.ආර්. ජයවර්ධන මහතා රට ආර්ථික වශයෙන් දියුණු කළ බවත්ය.

ඔහු විසින් රූපවාහිනිය රටට හඳුන්වා දුන් නිසා රටේ ජනතාවට විශාල සෙතක් ඇතිවූ බවත්, මහවැලිය වැනි දැවැන්ත සංවර්ධන කටයුතු සිදු කිරීම නිසා රටේ ආර්ථිකයට සහ ජනතාවගේ ආර්ථිකයට විශාල ශක්තියක් ඇතිවූ බවද උන්වහන්සේ සඳහන් කර සිටියහ.

 ඡායාරූප - ශමීර රාජපක්ෂ