ජ වි පෙ ජනතා පෙළ ගැස්වීම අද සිට

දින 100 වැඩපිළිවෙළ යටතේ පසුගිය කාලයේ සිදුවූ මහා පරිමාණ දූෂණ වංචා පිළිබඳව සොයාබලා දඬුවම් දෙන බවට නව ආණ්ඩුව ජනතාවට පොරොන්දු වුවත්, මෙතෙක් එම පොරොන්දුව ඉෂ්ට නොකිරීම නිසා එය සිදුකර ගැනීමට අද (26 දා) සිට ජනතාව පෙළගස්වන බව ජනතා විමුක්ති පෙරමුණ සඳහන් කරයි.
දින 100 වැඩපිළිවෙළ යටතේ දින 50 ක කාලයක් ගතව තිබුණද මෙතෙක් දූෂණ වංචා සිදුකළ පුද්ගලයන් පිළිබඳව සොයා බැලීමක්වත් සිදුකර නොමැති බවත්, මේ නිසා එය කඩිනමින් සිදුකරන ලෙස ඉල්ලා අද (26දා) කොටුව දුම්රියපළ ඉදිරිපිටදී විරෝධතා ව්‍යාපාරයක් දියත් කරන බව එම පක්ෂයේ ප්‍රචාරක ලේකම් විජිත හේරත් මහතා සඳහන් කළේය.
පසුගිය කාලයේ මහජන දේපළ සහ මුදල් අයථා ලෙස භාවිත කළ පුද්ගලයන්ට එරෙහිව ජනතාවට පොරොන්දු වූ ආකාරයටම නව ආණ්ඩුව කටයුතු කළ යුතු බව පවසා සිටියේය.