ගුරුවරු මාරු කිරීමට මරික්කාර්ගේ විරෝධය

කොලොන්නාව අධ්‍යාපන කොට්ඨාසය තුළ ගුරුවරුන් 67 ක ඌණතාවක් තිබියදීත් ගුරුවරුන් 11 දෙනෙකු ආදේශක නොමැතිව මාරු කිරීමට එරෙහිව වූ විරෝධතාවක් අද (17දා) බස්නාහිර පළාත් අධ්‍යාපන අමාත්‍යාංශය ඉදිරිපිටදී පැවැත්විණි.

දෙමවුපියන්, ප්‍ර‘දේශවාසීන් විසින් පවත්වනු ලැබූ මෙම විරෝධතාවට කොළොන්නාව එක්සත් ජාතික පක්ෂ ආසන සංවිධායක, කොළඹ දිස්ත්‍රික්ක පාර්ලිමේන්තු මන්ත්‍රී එස්.එම්. මරික්කාර් මහතාද එක්ව සිටියේය.

මේ පිළිබඳව 'අද' කළ විමසීමේදී මන්ත්‍රීවරයා පවසා සිටියේ, අමාත්‍යවරයා හා පළාත් අධ්‍යාපන අධ්‍යක්ෂවරයා සමග තමන් සාකච්ඡා කළ බවයි. ඒ අනුව එළඹෙන මාර්තු මාසයේදී ගැටලුව සඳහා පූර්ණ කාලීන විසඳුමක් ලබාදෙන බවට ඔවුන් එකඟ වූ බව මරික්කාර් මහතා සඳහන් කළේය.

ඡායාරූප ඒෂාන් ප්‍රනාන්දු